مكتبة كلمات أغاني حسين الصادق

[كوبينتا]

السلام عليكم
البوست دا خاص بكلمات أغاني حسين الصادق في أعماله الخاصة والخاصة فقط
لو سمحتوا أيي شخص حيكتب كلمات أغنية هنا لازم يتأكد من إنها ملك حسين
,,,,,,,,,,,
,,,,,,,
,,,,
,,
,


وشكراً

[كوبينتا]

خلاص يا قلـــب

خلاص يا قلب أنساهو ريد
لمتين تعيش براكـ وحيد
على العليك جرحكـ بزيد
وليك زمن ما غشاكـ عيد

....................
يا قلب أنسى الحصل
خلي الدموع بس كفى
أبنيهو ريدكـ من جديد
من عين حسود خليهو خفا
أسعاهو زي طفلاً صغير
أسرح معاهو الصي خلا
وأدرس غرامو المرة دي
ما تجيبو زي ضل الضحى

................
يا قلب راح العشم
تسأل سؤال وتدور جواب
أوهب مشاعرك للغرام
أنا والهيام سويلو باب
ما تبقى إنت كمان علي
تجهلني في عمر الشباب
والفات رحل ساب الغرام
ما تقضي فيهو ساعة عتاب

[كوبينتا]

الزول يوم يحب

الزول يوم يحب ويخونوه بموت إحساسو
بخيانتك كرهت الريد من أساسو
الريد عندو ناسو

...............
لقيتكـ في صدفة كان البينا عرفة
والعرفة البسيطة فجأة لقيتا إلفة
كانت زي محبة كان الفيها بخفى
ما قايلكـ بتظلم قلبي وليهو تجفا
وتدمر حماسو

..............
أظلم منكـ إنت ما لاقيت وشفت
زيك طول حياتي أبداً ما عرفت
ما إتأسفت مرة وفي ريدك أسفت
للحبوكـ قبلي غلطان ما سألت
مالم ليكـ تناسو

.............

رغم إنك أذيتني بفارقكـ مسامح
ما من طبعي أقسى ولا يوم كنت جارح
بديلكـ لقيتو بقولا وليكـ بصارح
ما الزول لما يبقى للمحبوب مبارح
بيضمن ناس يواسو

[كوبينتا]

إنت السبب

إنت السبب إنت
خليتني على ريدك
أقول أنا ندمت

............

إنت السبب في الهم
سبب العذاب والغم
أزرف دموع الدم
دا كلو كان فوق كم
فوق كم أنا تعبت

...........

إنت السبب في الكان
في الآهة والأحزان
زمن فراقكـ حان
والبينا عارفو زمان
بنهايتو خمنت

.........

إنت السبب في بكاي
سبب أزاي وشقاي
زودت لي بلواي
هسه الفراق سلواي
لو مابي وزعلت

................

من دربي شاف سيلكـ
ما عرفت هم غيركـ
رافع الفراق بيركـ
لشرك ولخيركـ
أنا ليهو ودعت

[كوبينتا]

سمرة لــــــــــون

من نظرة هويتكـ وبيكـ مفتون
سمرة لون زادتني جنون

..............

يا ذوق الروح الفات الذوق
دا دلال وجمال وقوام ممشوق
وعبير فاح في ثانية يسوق
لدنيا عجيبة وعالم فوق

...........

خلاني أسير لعيون حلوين
فرقة لحظات مرت كسنين
وهويت حسنك أنا في كل حين
أنا والأشواق ليكـ مشتاقين

...........

بهواكـ يا غالي وبتمناكـ
تبعد وتغيب أنا بترجاكـ
ما سر الروح يا غالي رضاكـ
كيفن أجفاكـ وأنا طالبو رضاكـ

[كوبينتا]

ليلــــــــــــــــنا

ليلنا الله ليلي
ليلنا يا الرايقة هوي

.........

ليلنا يابا شيخ زمراوي الولي
شيخ منور ولدك علي
خدو بالكم يا سادتي
للبنية الشاغلة بالي

.........

ليلنا يا فريع السلم الرقيق
الما بشيل قمرتين طبيق
واه أنا الواقع لي في ضيق
حارة نار الغي يا رفيق

.......

ليلنا يا لبين الصيف الحليب
المنضفا من السبيب
المعلقة في الهمبريب
كان شربتكـ خاطري بيطيب

.......

ليلنا يا الدويحية أهل القبب
يا غبش توري تقولوا كب
داير أنط الحوش بردلب
داير أضوق التين والعنب

..........

ليلنا داير اشوف ام عكشاً دهب
العكاكيز فيني رب رب
ما بخليكـ إلا انضرب
إلا سيفاً يآخدني تب
داير أضوق سجنكـ يا صنب

.........

ليلنا أبقى زرزور أبرا التمر
أنقد القنديل الحلو ومر
السلام لست الأمر

[كوبينتا]

شـــــــــــوفتكـــــــ

المهم أنا عندي شوفتكـ
ما مهم أنا كيف أشوفكـ
لو أعيش أفراحي بيكـ
كم أكون في كل ظروفكـ

...........

المهم ما برضو إنكـ لمحة من حبي الأساسي
بسمة في حزن الأماسي حتى كان أشقى وأقاسي
لما يوصل ليا فرحكـ تبتعد كل المآسي
المهم ذكرايا باقية للوعد ما تبقى ناسي

..........

قلبي حاير في غرامكـ لما شافكـ تاهـ وجن
عمرو ما عاند هواكـ ولا وراكـ في لحظة ظن
كان بقول إنكـ حبيبو أصلو غيركـ ما تمنى
ما مهم في الدنيا أهنا تبقى لي دنياكـ جنة
حتى لو كانت صغيرة تكفي بس فيها المحنة

[كوبينتا]

أنا من قبيل سامعكــــ

أنا من قبيل سامعكـ ما لقيت معاكـ فرصة
إنت الزمان بتقول أنا داير أقول هـــــــسه

..........

عارف من الأول ريدتنا مختلفة
ما بتحمل الهجران جمعتنا في الإلفة
دسيت زمان مني صدقني ما بخفى
لو شفت ليكـ شوفة الليلة شوف صرفة

.........

خليتني عايم ساي لا بر ولا مرسى
كان تصبرني لو بالقليل همسة
كتر الغياب والشوق كيفن صبح وأمسى
قبال تقول راجع أنا داير أقول وأنسى

.........

مشيت وإنت وراي لعبت بحبلين
حبيت هناكـ غيري بين القلب والعين
أنا عندي راي واحد لو إنت ليكـ رايين
الدايرو سويهو نتفارق الإتنين

[كوبينتا]

أخر قيامكــــ

أخر قيامك أخرو
عهد الحنان اتذكرو
زمن المودة اتفكرو
ما نحنا ديل ما بننكرو

...............

يا قامة الطبع الرقيق
يا دوبي في بداية الطريق
كيف نحتمل كيفن نطيق
الفرقة يا قمر الفريق

............

دايركـ تكون في الحي قريب
يتم المنى ويبقى النصيب
الدبلة تتراقص تتطيب
من إيد حبيب لإيد حبيب

[كوبينتا]

الفرح الموالف

تسلم لي عيونكـ خلي الحاصل يحصل
كيفن أعيش بدونكـ عن دنياكـ أرحل

...............

أنا ما دمت وافية بتحدى العواصف
بغرق لهنايا وللفرح الموالف
مالكـ يا منايا لسع إنت خايف

...........

قرب لي شوية بتلقى كنوز بشارة
فيها الدنيا حلوة والوفاء في ديارا
ريدتكـ فيني غنوة برتاح في مسارا

..........

عارفاكـ يا الحنين حافظ ريدتي ليكـ
عندك قول بطمن واللهفة في عينيكـ
بعد الريد دا كلو عامل ما عليكـ